Ciencia

Article on other languages:

A ciencia é o conxunto dos sistemas de coñecemento con obxecto e métodos de estudo determinados e baseados en leis obxectivas que se poden verificar.

Índice

Introdución

A ciencia (do latín scientia, coñecemento) é un proceso de adquisición do coñecemento e a organización ordenada del unha vez logrado a través do proceso científico. A ciencia constitue un método sistemático de obtención de coñecemento sobre a natureza en todos os seus aspectos. O método usado denomínase método científico.

Parte dos descubrimentos científicos poden resultar moi contra a intuición, como a natureza atómica ou cuántica da materia. Moitas concepcións intuitivas da natureza foron transformadas a partir de descubrimentos científicos como a rotación da Terra arredor do Sol ou a teoría da evolución. A ciencia tamén pode entenderse como unha institución da que forman parte os científicos e que funciona de acordo con regulamentos explícitos ou implícitos. As academias. universidades, institutos de investigación, as revistas científicas e os Premios e recoñecementos académicos conformarían este aspecto sociolóxico da ciencia.

Estrutura do coñecemento científico

O método científico

O método científico constitúe o estudo sistemático, controlado, empírico e crítico de proposicións hipotéticas sobre presuntas relacións entre varios fenómenos naturais. Son dous os piares básicos do método científico. O primeiro deles é a reproducibilidade, é dicir, a capacidade de repetir un determinado experimento en calquer lugar e por calquer persoa. Este piar usa para a súa práctica, esencialmente, a comunicación e publicidade dos resultados obtidos. O segundo piar é a falsabilidade. É dicir, que toda proposición científica ten que ter a posibilidade de ser falsa. Isto implica que se poden deseñar experimentos que no caso de dar resultados distintos ós preditos negarían a hipótese posta a proba.

Na actualidade os resultados da investigación científica son publicados en revistas científicas especializadas tras críticas ou comentarios doutros expertos, correccións por parte dos autores e mesmo verificacións dos experimentos por outros equipos de investigación. Asemade, está comezando a ser usual que se publiquen na rede ó tempo que nas revistas científicas ou exclusivamente.

Filosofía da ciencia

A efectividade da ciencia como método para obter coñecemento constituíu un notable campo de estudo para a filosofía. A filosofía da ciencia intenta comprender a natureza do coñecemento científico e as súas implicacións éticas.

Disciplinas científicas

Un esquema de clasificación foi plantexado polo epistemólogo alemán Rudolf Carnap, o primeiro en dividir a ciencia en ciencias puras, ciencias aplicadas e ciencias sociais ou humanas.

Historia da ciencia

A historia da ciencia dá conta do desenvolvemento humano, marcado polos sucesivos cambios de paradigmas sobre a natureza. A historia da ciencia está marcada polo contínuo refinamento do coñecemento adquirido e o desenvolvimento tecnolóxico acelerado dende a aparición do método científico na chamada revolución científica.

Influencia da ciencia na sociedade

Dado o carácter universal da ciencia, a súa influencia esténdese a todos os campos da sociedade. Dende o desenvolvemento tecnolóxico ós modernos problemas de tipo xurídico relacionados con campos da medicina ou a xenética, por nomear algúns casos. Porén, dende o mundo académico percíbese un alonxamento entre ciencia e sociedade. En ocasións, a investigación científica permite abordar temas de gran calado social como o Proxecto Xenoma Humano.

Divulgación científica

A divulgación científica pretende facer doado o coñecemento científico á sociedade máis aló do mundo puramente académico. A divulgación pode referirse ós descubrimentos científicos do momento como a determinación da masa do neutrino, de teorías ben establecidas como a teoría da evolución ou de campos enteiros do coñecemento científico. A divulgación científica é unha tarefa que levan a cabo escritores, científicos, museos e, de xeito ocasional, a través dos medios de comunicación.

Algúns científicos notables teñen contribuído especialmente á divulgación do coñecemento científico. Entre os máis coñecidos están Stephen Hawking, Carl Sagan, Richard Dawkins, Stephen Jay Gould, Martin Gardner e autores de ciencia ficción como Isaac Asimov. Outros científicos teñen realizado tarefas de divulgación tanto en libros divulgativos como en novelas de ciencia ficción, como Fred Hoyle. A maioría das axencias ou institutos científicos destacados en Estados Unidos teñen un departamento de divulgación (chamado Education and Outreach) pero non é unha cousa común noutras partes.

Auxe moderno da pseudociencia

En contra da ciencia formal e o método científico, as sociedades humanas teñen desenvolvido dende antigo un sistema de crenzas máxicas ou mítico. En ocasións chámaselles Ciencias ocultas ou alternativas: coñecementos e prácticas misteriosas que dende a antigüidade pretenden domeñar os secretos da natureza. Non seguen o método científico polo que non son recoñecidas como disciplinas científicas e son consideradas en xeral como pseudociencias. Entre as máis populares en Occidente está a astroloxía.

Ver tamén

Relacionados

Referencias e ligazóns externas

Enlaces externos

Campos de estudo das ciencias
Matemáticas | Filosofía

Ciencias Naturais: Astronomía | Bioloxía | Xeoloxía | Xeografía | Física | Paleontoloxía | Química

Ciencias Sociais: Antropoloxía | Comunicación | Dereito | Economía | Educación Física | Educación | Historia | Lingüística | Política | Socioloxía

Ciencias Aplicadas: Administración | Agronomía | Arquitectura e Urbanismo | Informática | Deseño | Enxeñaría | Farmacoloxía | Medicina | Nutrición | Tecnoloxía


Traído desde "http://gl.wikipedia.org/wiki/Ciencia"

More about Ciencia: ciencia y tecnologia, ciencia y tecnolog c3 ada, que es la ciencia, definicion de ciencia, concepto de ciencia, ciencia ficcion, historia de la ciencia, la ciencia, experimentos de ciencia,

This article is from Wikipedia. All text is available under the terms of the GNU Free Documentation License.