Chordata

Poll without page-refresh

Article on other languages:

Cordados

Reino:	Animalia
Subreino:	Eumetazoa bilateria
Superfilo:	Deuterostomia
Filo:	Chordata

Subfilo

Os cordados (nome científico Chordata) constitúen un filo animal que comprende os anfioxos, os tunicados e os vertebrados, que están dotados, ao menos durante unha das fases de súas vidas, dunha notocorda, fendas branquiais na farinxe e dun cordón nervioso.

O filo chordata está subdividido en catro subfilos: Urochordata , Cephalochordata, Myxini e Vertebrata. No subfilo Urochordata, as larvas teñen notocordio e tubo neural, desaparecendo ambas no estado adulto. Os Cefalocordados teñen notocordio e tubo neural, mais sen vértebras. Nos vertebrados, o notocordio foi substituído por unha columna vertebral ósea. Son animais triblásticos, enterocelomados, deuteróstomos, con segmentación heterónoma, esqueleto interno.

O filo chordata ten dez clases extintas: unha no subfilo Urochordata, un no subfilo Cephalochordata, e oito no subfilo Vertebrata.

A clasificación tradicional dos vertebrados contén unha ampla variedade de grupos parafiléticos que, nos novos sistemas taxonómicos, foron considerabelmente alterados debido a novos dados filoxenéticos.

Outros grupos usados frecuentemente (en orde alfabética):

Agnatha – vertebrados sen mandíbula
Amniota – réptiles, aves e mamíferos
Anapsida - tartarugas
Archosauria – crocodilos, aves, dinosauros, etc.
Craniata - vertebrados e membros da familia Myxinoidea
Diapsida - lepidosauros e arcosauros
Dinosauria - dinosauros, incluíndo, por veces, aves
Gnathostomata – vertebrados con mandíbula
Lepidosauria – lagartos e cobras
Lissamphibia – píntegas (Caudata), sapos (Anura) e cobras-cegas
Osteichthyes – peixes óseos: actinopteríxeos e sarcopteríxeos – na análise cladística, inclúe todos os tetrápodos (Tetrapoda)
Sarcopterygii – peixes con barbatanas lobadas, como o celacanto e o peixe-pulmonado, – na análise cladística, inclúe todos os tetrápodos (Tetrapoda)
Synapsida – mamíferos e outros animais aparentados, extintos
Tetrapoda – vertebrados con catro membros (ou descendentes de animais con catro membros, como as cobras)