Casablanca (filme)

Article on other languages:

Casablanca é unha das películas máis coñecidas da historia do cine. Foi dirixida por Michael Curtiz e estreada en 1942. O seu guión está baseado na obra teatral Everybody Comes to Rick's de Murray Burnett e Joan Alison.

Índice

Argumento

Aviso: esta sección pode revelar detalles da trama ou do argumento.


Durante a Segunda Guerra Mundial Rick Blaine (Humphrey Bogart), un exiliado americano por escuras causas que non se desvelan ó longo do filme, rexenta o local nocturno máis popular de Casabranca o Rick´s Café. O cínico e solitario Rick consegue grazas á morte de Ugarte dúas salvoconductos para abandonar o Marrocos da "Francia non ocupada" da Francia de Vichy.

Chega namentres a Casabranca o maior alemán Heinrich Strasser (Conrad Veidt), ó cal o xefe da policía, o capitán Renault (Claude Rains), comprace de todas as formas posibles, ata detendo a un líder da resistencia checa Victor Lazlo (Paul Henreid), que chega a Casabranca acompañado de Ilsa (Ingrid Bergman), unha antiga amante de Rick que o abandonou en París sen dar explicacións. Rick segue resentido con ela, aínda que cambia de actitude ó coñecer o motivo polo cal marchou do seu lado. Ambos se reconcilian e, xa xuntos, os dous planean saír de Casabranca utilizando os salvoconductos que ten Rick.

Rick convence ao capitán Renault de que vai escapar con Ilsa e deixará a Lazlo en terra para que o deteña a Gestapo. Finalmente, nun acto de heroísmo, Rick dispara ó maior Strasser deixando que Lazlo e Ilsa vaian a América a continuar co labor de resistencia alén do Atlántico.

Comentarios

Ingrid Bergman e Humphrey Bogart protagonizan un dos bicos máis famosos da historia do cine
  • O produtor Hal B. Wallis quería a William Wyler para dirixir esta película, pero logo de barallar varios nomes, o director de orixe húngara Michael Curtiz foi o elixido, e comezou a rodaxe do que ía ser unha película destinada a ser propaganda antinazi. Acerca da realización da película circulan numerosas historias, entre as cales está por exemplo a que di que Ingrid Bergman non soubo ata o último momento con cal dos dous homes quedaría.
  • A música correu a cargo de Max Steiner, o vestiario foi obra de Orry-Kelly, e Sam (Dooley Wilson) canta acompañado polo seu piano unha das cancións máis recordadas da historia do cine, As Time Goes By. A película está ambientada no Marrocos francés durante a Segunda Guerra Mundial.
  • Gañadora de 3 Oscars: mellor película, mellor guión e mellor director.
  • Nos Estados Unidos, pola súa popularidade, Casablanca é coñecida como The Movie. Así mesmo, adoita aparecer nos primeiros postos de diversos ránkings históricos (por exemplo os realizados polo American Filme Institute ou a Internet Movie DataBase).

Reparto

Humphrey Bogart e Paul Henreid

Curiosidades

O personaxe principal loitou no lado republicano na Guerra Civil Española pero na dobraxe de España esta referencia suprimiuse debido á ditadura de Francisco Franco. Igual pasa coa referencia ó combate en Abisinia contra as tropas fascistas.

Estrea

Premios Oscar

  • Venceu nas categorías de mellor película, director e guión.
  • Estivo nominada nas categorías de mellor actor (Humphrey Bogart), actor secundario (Claude Rains), Mfotografía, edición e banda sonora para comedia ou musical.

Véxase tamén

Commons
Commons ten máis contidos multimedia sobre:
Wikiquote
A Galicitas posúe citas sobre:


Traído desde "http://gl.wikipedia.org/wiki/Casablanca_(filme)"

This article is from Wikipedia. All text is available under the terms of the GNU Free Documentation License.